ئیرۆ ل دهۆكێ برێز مه‌سعوود بارزانى سه‌رۆكێ هه‌رێما كوردستانێ دگه‌ل ماموسته یێن زانینگه‌هێ و ته‌خ و جونێن جودا یێن ده‌ڤه‌رێ جڤیا و تێده خویاكر كو ئه‌ڤ سه‌ره‌دانا د چارچۆڤا وى پرۆگرامێ چاكسازیێ ده‌یه كو من ده‌ستپێكریه و دلگرانیا خوه ژى ل هه‌مبه‌ر بوویه‌رێن ته‌رۆرستى یێن دوهى ل به‌غدایێ دیاركر و جاره‌كه دى دلگرانیا خوه ل دۆر بوویه‌رێن ده‌رباسبوویى یێن زاخۆ و ده‌ڤه‌رێ ژى دیاركر. |  |
هه‌روه‌ها ته‌كه‌ز ل سه‌ر وێ یه‌كێ كر كو دڤێ فه‌رهه‌نگا بهه‌ڤره ژیانێ د ناڤا گه‌لێ كورد دا هه‌ر بمینه و ئه‌ز دێ به‌رگیریێ ژ كلتورا بهه‌ڤره ژیانێ بكه‌م و ل جه‌م وه‌لاتێن جیهانێ ژى ب چاڤه‌كێ بلند ژ ڤێ فه‌رهه‌نگا ب هه‌ڤره ژیانا ئولى ل هه‌رێما كوردستانێ دنێرن.
راگه‌هاند كو شه‌واتاندنا دوكانێن مه‌ى فرۆتن و مه‌ساج و باره‌گه‌هێن یه‌كگرتوویێ گه‌له‌كى ناخۆش بوون و ته‌كه‌ز ژى كر كو نابه ئه‌و بوویه‌ر دووباره ببن و ژبۆ ڤێ یه‌كێ ژى كۆمیته‌ك پێكانیه و دێ ئه‌نجامێن لێكۆلینێ خویا بكه كو تاوانبار كییه دڤێ بێته جه‌زاكرن.
راگه‌هاند ل كوردستانێ یاسا هه‌یه دڤێ ب یاسایێ هه‌موو تشت بێنه رێكخستن و نابه ژى ماموسته یێن ئولى فه‌توایێ بده‌ن دڤێ ب رۆلا شیره‌تكاریێ رابن.
لدۆر ره‌وشا نها یا سیاسى یا ئێراقێ سه‌رۆك بارزانى گۆت" به‌ریا هن مه‌هان د هه‌ڤدیتنه‌كێ ده من پێشبینیا وێ یه‌كێ كر كو پشتى ڤه‌كشاندنا هێزێن ئه‌مه‌ریكى ژ ئێراقێ ره‌وشا سیاسى ئالۆز دبه و ئالۆز ژى بوو.
گوت ژى كو ره‌وشا سیاسى یا ئێراقێ دو ئالیى هه‌نه و ئالیێ دادگه‌هێ دڤێ دادگه‌ه بریارێ بده و ئالیێ سیاسى ژى دڤێ هه‌موو ئالیى یێن سیاسى یێن ئێراقێ ب گفتوگۆیان گرفتارى یێن وه‌لات چاره‌سه‌ر بكن.
ته‌كه‌ز ل سه‌ر وێ یه‌كێ ژى كر كو ئه‌گه‌ر ره‌وشا ئێراقى ژبۆ تائیفى هاته گوهه‌رتن دڤێ كورد خوه دوربخه.
ل دۆر ره‌شا كوردان ل پارچه یێن دى یێن كوردستانێ گۆت پژاك و ئیران نزێكى چاره‌سه‌ریێ بوونه و هیڤدارم ل تركیێ ژى ره‌وشا كوردان چاره‌سه ببه و گۆت ژى ئه‌ز هه‌رتم دبێژم كو نابه شه‌ر بمینه و ژبه‌ر كو ده‌رفه‌ته‌كه زێرین ژبۆ كوردان ل تركیێ هاتیه پێش.
لدۆر ره‌وشا سووریێ ژى سه‌رۆك بارزانى گۆت" ل جه‌م مه گرینگ نینه كى ده‌ستهلاتا سووریێ بكه گرینگ ئه‌وه كى دێ مافێن كوردان گارانتى بكه.
No comments:
Post a Comment