ئیرۆ 13-7-2011 ل سەنتەرێ رە وشەنبیری وجڤاكی یێ زانكویا دهوكێ وب ئامادەبونا رێزدار (مسرور بارزانی) ئاهەنگەكا تایبەت هاتە ل دارخستن و (51) قوتابیێن ئێك ل سەر ئاستێ زانكویێن دهوك وزاخو هاتنە خەلاتكرن. دناڤا ئاهەنگێدا سەروكێ زانكویا دهوك پەیڤەك خواند تێدا ئاماژە دا رەوشا زانكویا دهوك وزاخو وئەو پشتەڤانیا سەركردایەتیا كوردستانی بو هەردوویان پێشكێشدكەت. پاش رێزدار مسرور بارزانی پەیڤەك پێشكێشكر ئەڤە ژی دەقێ وێ یە .... بناڤێ خودایێ مەزن و دلوڤان خوشك و برایێن هێژا..... جەنابێ سەروكێ زانكویا دهوكێ ماموستایێن هێژا ل زانكویا دهوك و زانكویا زاخو قوتابیێن دەرچویی ل كولیژێن هەردوو زانكویێن زاخو و دهوك ئەز گەلەك خو بخوشحال د زانم كو ئەڤرو ئەز یێ ئامادە بویم دگەل هنگو د ڤێ ئاهەنگێ دا بەری دەستپێكا ئاخفتنێن خو من پێخوشە ئەز داخازا لێبورینێ ل هنگو بكەم بو گیرو بونێ چونكو رێكەك دیارە زور كار ل سەر بو و مە حسابا (3) دەمژمێرا كربو بەلێ پتر ژ مە چو، بەلكی هوون گەلەك چاڤەرێبون. داخازا لێبو رینێ ل هنگو دكەم. من پتر ژ هەموو تشتەكی پێ خوشە وەكو برایەكی وەكی خزمەتكارەكی وەكی پشتەڤانەكی دگەل هنگو بەشدار ببم و ئەڤ سیفەتە ب هزرا من ل هەموو سیفەتێن دی مەزنتر و گرنگترە. زانكویا هنگو د دەمەكی دا هاتە دامەزراندن كو پێدڤی بو دهوك ببیتە خودانا زانكویەكێ بو پێگەهاندنا شیانێن گەنجێن مە، و ل وێ روژێ هەتا ئەڤرو چەندین كوم ل گەنج و لاوێن ب شیان یێن پێشكێشی جڤاكی كرین و شوین دەستێ وان دیار بویە د خەباتا مە دا ل وێ روژێ هەتا ئەڤرو. بەری نوكە ئەگەر خەباتا مە پێویستی ب شورەشەكێ هەبو بو بەرگری كرنێ ل مافێن نەتەوە و نیشتیمانێ خو، ئەڤرو خەباتا مە پێویستی ب ئاڤەدانیێ و پێكەهاندنا گەنجێن مە لسەر ئاستەكێ بەرز ب زانستەكا بەرز و پێشكەفتی و ئەڤە ئەركێ زانكویێ یە ڤان تشتان بكەت كو ئەم د بینین سەركەفتێن گەلەكێن مەزن هاتینە دەست و ئەز دەستخوشیێ ل زانكویێ وان قوتابیان دكەم یێن خو ماندی كری و زور حەز ل سەر پرسایە تیێ كری و ئەركێ خو بجه ئینای و دەست هاڤێتیە پێنوسێن خو و خو پێبگەهینن دا مفای ب گە هیننە كەس و كارێن خو و مللەتێ خو و وەلاتێ خو ..... سەبارەت هەرجڤاكەكی براستی زانست و زانین پێگەهێ سەرەكی یە بو پێشڤە چونا وی جڤاكی و ئەگەر ئەم خو ب چەكێ زانستێ چەكدار بكەین ئە م هەم ڤێگاڤێ هندی پێچێدبیت پێنگاڤێن باشتر بەرەف پێش ب هاڤێژین. هەموو كەسەك ل دووف بیروباوەرێن من ئێخسیرێ هزرو و بیروباوەرێن خویە، ئەگەر هزرو وبیروباوەرێن مە دبەرفرەهبن دێ ژیانەكا بەرفرەه وەلاتەكێ ئاڤەدان وپێشكەفتی بو خو بەرهەڤكەین و ئەگەر هزرو وبیرو وباوەرێن تەسك مە هەبن ئەم دێ ژیانێ ل خو بەر تەسك كەین . داهاتیێ وەلاتێ مە یێ گرێدایە ب ئارەزو و ئومێدێن مەڤە ئەگەر تشتەكی ئەم هزرێ لێ نەكەین و بیرێ لێ نەكەینە ڤە و پێكولێ نەكەین بو ب جه ئینانا ڤان ئومێد و ئارە زویان ئەم قەد ناگەهینێ ژ بەر هندێ من پێخوشە وەكی برایەكی ئەز ژی وەكو هنگو هەردەم بیرێ ل هندێ ب كەینە ڤە بو دەست كەفتێن مللەتێ مە روژ بو روژ زێدەتر ببن و بیرا دەستكەفتێن زێدەتر بكەین و هەموو گاڤا بیرا خو ل وان كەسان بینینە ڤە یێن كو ئەڤ ئومێد و ئارەزویە د دلێ واندا ماین و قەد نە هاتینە ب جه ئینان،بیرا خو ل شەهیدێن خو بینینە ڤە كو ئەڤ روژە بومە بەرهەڤكری، بیرا خو ل خەباتا وان پێشمەرگان و قوربانیان بینینە ڤە یێن كو ئەڤ روژە بو مە دروست كری و رێك بو مە خوش كری داكو ئەم د كوردستانەكا ئازاد و سەر بەرز و سەر بلند دا درێژیێ ب ژیانێ ب دەین، بەس ئەڤە ئەركێ هنگو ژی دێ گرانتر كەت چونكی درێژە پێدانا خەبات و رێبازا شەهید و پێشمەرگێن قەهرەمان ئەڤرو دێ كەڤیتە سەر ملێن هنگو. كوردستان ئەمانەتەكە د دەستێن هنگو دا... هیڤیدارم ڤی ئەمانەتی ب باشترین شێوە ب پارێزن و بەرەف پێش ببەن و انشا ْ اللە ئەو ئامانج و هیڤیێن مەزن یێن د دلێ مە هەمیان دا ل سەر دەستێ هنگو بهێنە دەست. ئەز زور درێژ ناكەم گەلەك یێ مەمنونم و سوپاسیا هنگو دكەم بو رخساندنا ڤێ دەرفەتێ زور خوشحالم كو یێ دگەل هەوە دا و پیروزباهیێ ل هنگو هەمیان دكەم بتایبەتی ئەو گەنج و خوشەویستێن كو پلێن یەكەم ل سەر ئاستێ كولیژێن هەردوو زانكویان بدەست ڤە ئیناین. پیروز بیت ل هنگو گەلەك گەلەك سوپاس هەر ساخ و سەر بەرز و سەر فەراز بن.
No comments:
Post a Comment