گوتەبێژی پارێزگای مووسڵ ئاشكرای دەكات، ئەوان هیوایان تەنیا سەرۆك بارزانی سەرۆكی كوردستانە بۆ چارەسەركردنی كێشەی نێوان لیستی حەدبا و لیستی برایەتی نەینەوا. | 
|
گوتەبێژی فەرمی پارێزگای مووسڵ قەحتان سامی لە لێدوانێكدا ئاشكرایكردووە، ئێمە تائێستاش هیوامان بە دانایی سەرۆك مسعود بارزانی سەرۆكی كوردستانە بۆ تازەكردنەوەی پەیوەندییەكانی نێوان عەرەب و كورد لە پارێزگای مووسڵ و كۆتایهێنان بەم دوورگرتنەی یەكدی. ناوبراو ئاشكرایكردووە، كێشەكانی نێوان لیستی حەدبا و لیستی برایەتی نەینەوا زۆر نین پێویستیان بەچارەسەر هەیە، بەڵام چارەسەرێك یەكلایی ئەو ناكۆكیە بێت.
ناوبراو تەئكیدی لەسەر ئەوەشكردەوە، پارێزگای مووسڵ و حكوومەتی ناوخۆیی ئەم پارێزگایە هیوایان بە دانایی سەرۆك مسعود بارزانی سەرۆكی كوردستانە، بۆ ئەوەی لیستی برایەتی نەینەوا رازی بكات بۆ گەڕانەوەیان بۆ نێو ئەنجوومەنەكە و چارەسەركردنی كێشەی كورد و عەرەب لە پارێزگاكە.
No comments:
Post a Comment