ئەمڕۆ بە ئامادەبوونی سەرۆك مسعود بارزانی سەرۆكی كوردستان و بەڕێز مەسروور بارزانی و ژمارەیەك لە ئەندامانی مەكتەبی سیاسی پارتی دیموكراتی كوردستان و پەرلەمانتار و وەزیرانی حكوومەتی هەرێمی كوردستان و نوێنەرانی كونسوڵگەریی وڵاتانی جیهانی و ژمارەیەكی بەرچاو لە لاوان و قوتابیانی كوردستان، ئاهەنگێك بۆ 59یەمین ساڵیادی یەكێتی لاوانی دیموكراتی كوردستان لە هەولێری پایتەخت بەڕێووەچوو. |  |
دوای یەك خولەك وەستان بۆ گیانی شەهیدانی رزگاریخوازی نەتەوەیی كورد. لە وتارێكیدا ئومێد خۆشناو سكرتێری یەكێتی لاوانی دیموكراتی كوردستان، وێڕای بەخێرهێنانی سەرۆك بارزانی و میوانانی بەشداربوو، تەئكیدی لە پشتیوانی هەمیشەیی سەرۆك بارزانی كردەوە، بۆ لاوانی كوردستان و بەنرخاندنێكی بەرزەوە رێنمایی و سیاسەتی حەكیمانەی سەرۆك بارزانی بۆ پشتیوانیكردن و هاوكاریكردنی لاوانی كوردستان نیشاندا.
دواتر سەرۆك مسعود بارزانی سەرۆكی كوردستان لە وتارێكیدا، پیرۆزبایی خۆی ئاڕاستەی سەرجەم لاوانی كوردستان كرد و ئاماژەی بەوە كرد، بارزانیی نەمر لاوانی كوردستانی بە شورەی پۆڵاین وەسف كردووە و بەردەوامیش ئێوە شورەی پۆڵاین دەبن بۆ پاراستنی دەسكەوتەكانی هەرێمی كوردستان.
لەبەشێكی دیكەی وتارەكەیدا سەرۆك بارزانی بەخۆشحاڵیەوە ئاماژەی بەوە كرد، لای من زۆر گرنگە ئێستا كوڕ و كچی كورد خۆی بە كەم نازانێت بەرامبەر خەڵكی دیكە، جاران گەنجانی ئێمە نەدەوێران یان پێان شەرم بوو ئەگەر لە وڵاـێكی دیكە یان شوێنێكی دیكە بیانگوتایە: ئێمە كوردین، بەڵام ئەمڕۆ بەسەربەرزییەوە بەسنگ دەرهێنانەوە دەڵێت: من كوردم، لێرەدا دەبێ سوپاسی خوای گەورە بكەین و بزانین ئمە لە سایەی خوێنی شەهیدانە.
كۆتاییدا سەرۆك بارزانی رێنمایی گەنجانی كوردستانی ئامادەبن بۆ ئایندەیەكی گەش و گوتی: داواتان لێدەكەم خۆتان ئامادە بكەن بۆ ئایندەیەكی گەش.
No comments:
Post a Comment