بزووتنەوەی گۆڕان خۆی بەدرۆ دەخاتەوە

لە دوو لێدوانی جیاوازدا، بزووتنەوەی گۆڕان خۆی بەدرۆ دەخاتەوە، ئەمەش دوای ئەوە دێت، كە نوری مالیكی لە دیمانەیەكدا پێنەدانی پۆست لە حكوومەتەكەی بۆ هاوپەیمانی كوردستان گەڕاندەوە و لەوەڵامیشدا مسعود بارزانی سەرۆكی هەرێمی كوردستان ئەو بابەتەی بۆ ئەوە گەڕاندەوە كە گۆڕان خۆیان نەیانویستووە.

شاهۆ سەعید گوتەبێژی فەرمی بزووتنەوەی گۆڕان لە روونكردنەوەیەكیدا گوتووتی: بەشی ئێمە لە حكوومەتی بەغدا بەهۆی پارتی و یەكێتیەوە فەوتا، ئەو راستەوخۆ پشتیوانی لە وتەكەی مالیكی كرد.

بەڵام سەدار عەبدوڵڵای پەرلەمانتاری گۆڕان لە ئەنجوومەنی نوێنەرانی عێراق دەڵێت: ئێمە خۆمان بەشداریمان لە حكوومەتی عێراقی نەكردووە.

بەگوتەی شارەزایانی سیاسی، ئەزمەیەكی زۆر لە ناو بزووتنەوەی گۆڕان هەیە بۆیە لێدوانەكانیان پێچەوانەیە و خۆیان بە درۆ دەخەنەوە، بۆ ڕاستی ئەم هەواڵەش سەیری ئەم دوو لینكە بكە، كە دوو لێدوانی جیاوازی بەرپرسانی بزووتنەوەی گۆڕانە:

لێدوانەكەی شاهۆ سەعید:

http://www.malpress.com/kurdish/hawal-ku/1555-2012-05-20-18-44-31.html

لێدوانەكەی سەردار عەبدوڵڵا:

http://www.malpress.com/kurdish/hawal/1564-2012-05-21-09-47-20.html