ئه‌مه‌ش ده‌قی به‌یاننامه‌که‌یه:
"به‌داخ و نیگه‌رانییه‌کی زۆره‌وه هه‌واڵی ئه‌و شه‌ڕ و پێکدادانه‌مان بیست که له به‌ره‌به‌یانی ئه‌مڕۆ سێ‌شه‌ممه 19/6/2012 له ده‌ڤه‌ری جۆله‌مێرگ رووی دا و له ئه‌نجامدا وه‌ک له راگه‌یاندنه‌کاندا بڵاوکرایه‌وه؛ کوژران و برینداربوونی ژماره‌یه‌ک سه‌ربازی تورکیای لێ که‌وتۆته‌وه.
ئێمه زۆر به توندی درێژه‌پێدانی ئه‌م شه‌ڕ و کوشتنه مه‌حکووم ده‌که‌ین و هه‌ڵوێستی نه‌گۆڕ و له‌مێژینه‌ی خۆمان دووپات ده‌که‌ینه‌وه و رایده‌گه‌یه‌نین که توندوتیژی و کرداری چه‌کدارانه زه‌ره‌ر به هه‌موولایه‌ک ده‌گه‌یه‌نێت و ده‌بێته هۆی له‌باربردنی هه‌ر هه‌وڵێکی ئاشته‌وایی له‌پێناو چاره‌سه‌رکردنی کێشه‌کان.
له کۆتاییشدا پرسه و دڵنه‌وایی خۆمان ئاراسته‌ی که‌سوکاری قوربانیان ده‌که‌ین و هیوای زوو چاکبوونه‌وه‌ش بۆ بریندارن ده‌خوازین.
سه‌رۆکایه‌تی هه‌رێمی کوردستان
No comments:
Post a Comment