| ئەڤڕۆ ئێڤاری رێکەفتی ١٦ /١٠/٢٠١١ رێزدار مەسرور بارزانی پێشوازیا شاندەکێ رەڤەندا کوردێن ئێزدی کر کو ب نوێنەراتیا رەڤەندا کورد ژباژێرێن (موسکو – تڤیل – پێنڤا – تامبوڤ – لیننگراد – کامچاتکا – و یاروسلاڤ) ژ هەرسێ ولاتێن روسیا و ئەرمەنستان و گورجستانێ ب سەرەدانەکا چەند رۆژی گەهشتینە کوردستانێ. |
ل دەست پێکا دیداراهان مەسرور بارزانی زێدەباری ب گەرمی ب خێرهاتنا شاندێ مێڤان،دیسان روناهیەک لسەر رەوشا ئێمناهی و تەناهی و ئاڤەدانیا ل کوردستانێ بۆ مێڤانان داخویاکرن و گوت کوردستان هەردکەڤندا لاندکا پێکڤەژیانا ئایین و نەتەوەیێن جودابویە و هەردەم ب براتی و ئاشتی پێکڤە ژیاینە و زێدەکر و گوت ئێزدیاتی وەک ئولەکێ کەڤنارێ باب و باپیرێن مە ئەڤ پێکڤە ژیانە و داب و نەریتێن رەسەنێن کوردایەتیێ پاراستینە و لەوما هەتا ئەڤروژی مایە وەک ئێکەمین ئول دناف گەلێ کورد دا کو هەمی مەراسیم و پەرستنا خودایی ب زمانێ کوردیێ رەسەنن و ئەڤەژی شانازیەکە بۆ باب و کالکێن مەیێن کوردێن ئێزدی ڤەدگەریێت و هیڤی خاست دسایا پێشڤەچون و رەوشا ئێمنا کوردستانێ هەمی ئول و بیروباوەرێن جودا بکارن مل ب ملێ هەڤدوو ب برایانە و ئاشتیانە بژێن و کوردستانا رەنگێن ئاڤەدان بکەن و ب پێشداببنەن دهەمی وارێن ژیان و ژیاری دا.
سەروکێ شاندا کوردێن ئێزدی کو ب یاوریا هێمن هەورامی ئەندامێ سەرکردایەتیا پارتیا دیموکراتا کوردستانێ و بەرپرسێ پەیوەندیێن دەرڤە یێن پارتیێ و شێخ شەمو کەساتیێ ناسیارێ کوردێن ئێزدی ژ پارێزگەها دهوکێ بوون، زێدەباری سوپاسیا بەرێز مەسرور بارزانی بۆ وێ پێشوازیا گەرم یا ل وی و هەڤالێن شاندا ناڤبری هاتیە کرن ،هەروەسا دلخوشی و سەرسامیا خۆ هەمبەر ئاڤەدانی و تەناهی و ئاستێ ژیارێ ل کوردستانێ دەربری و گوت هاتنامە ئیرو ژبۆ کوردستانێ مە ڤیاییە دەنگێ هزارەها ژخەلکێ رەڤەندا کوردێن ئێزدی ژهەرسێ ولاتێن روسیا و گورجستان و ئەرمەنستانێ بهەگینەوەیێن برێز و ب چاڤێن خۆ ئەف ئاڤەدانی و پێشکەفتنا ل کوردستانێ ببینین و بۆ خەلکێ خۆ ڤەگوهێزین.
هەروەسا دلایەکێ دیدارێدا شاندێ ناڤبری هندەک لسەر رەوشا ژیانا رەڤەندا کورد ل ولاتێن ناڤبری بۆ رێزدار مەسرور بارزانی بەحس کرن و دیتن و بوچون و داخازیێن وان گەهاندنە بەرێزی و گوتن ئەوان لبەرە سوبەهی سەرەدانا پەرستگەها لالەشا نورانی بکەن و وەک جهەکێ پیروزێ ئولێ ئیزدیاتیێ ژنێزیک ببینن و مەراسیمێن تاعەت و خوداپەرستیێ لێ ئەنجام بدەن.
ل داوییا ڤێ دیدارێ رێزدار مەسرور بارزانی هەمی پشتەڤانیەکا پێتڤی بۆ کوردێن ئێزدی تەکەس کر و هیڤی خاست شاندێ ناڤبری ل کوردستانا ئازاد دەمێن خوش ببەنەسەر و سلاڤ و رێزێن وی بگەهینە ئێک ئێک ژکۆر و کچێن رەڤەندا کورد ل دەرڤەی ولاتی و گوت کوردستان چاڤەرێ ی وانە کو لدەمێ رۆژەکێ ڤەدگەریێنە ولاتێ خۆ ب چەکێ زانست و زانینا ل وان وەلاتا فێربوین کوردستانێ ئاڤەدانتربکەن و بەشداریێ دپێشڤەبرنا ولاتێ خودابکەن. ئەڤە و ل داوویێ ب گەرمی شاندێ مێڤان هاتنەبرێکرن.
No comments:
Post a Comment