وه‌زیری كشتوكاڵی عێراق پاڵپشتی بۆ پێشخستنی كه‌رتی كشتوكاڵ له هه‌رێمی كوردستان دووپاتدەكاتەوە
ئه‌مرۆ شه‌ممه مسعود بارزانی سه‌رۆكی
هه‌رێمی كوردستان له سه‌ڵاحه‌دین پێشوازیكرد له عزه‌دین ئه‌لده‌وله
وه‌زیری كشتوكاڵی عێراقی فیدراڵ.
له دیدارێكدا، ره‌وشی كشتۆكاڵ له عێراقی
فیدراڵ به گشتی خرایه به‌ر باس و هه‌ردوولا ته‌ئكیدیان له پێویستی
په‌ره‌پێدانی ئه‌و بواره كرده‌وه به پیاده‌كردنی سیاسه‌تێكی كشتوكاڵی
كه هه‌ر قۆناغێكی ته‌واوكه‌ری قۆناغی پێشووی خۆی بێت و له‌م رووه‌وه
وه‌زیری كشتوكاڵی عێراقی فیدراڵ پاڵپشتی خۆی بۆ پێشخستنی كه‌رتی كشتوكاڵ
له هه‌رێمی كوردستان به هه‌ماهه‌نگی وه‌زاره‌تی كشتوكاڵ له هه‌رێمدا
دووپاتكرده‌وه.
ئه‌مه‌و له ته‌وه‌رێكی دیكه‌ی
دیداره‌كه‌دا هه‌ردوولا دید و بۆچوونی خۆیان سه‌باره‌ت به ره‌وشه
ناله‌باره سیاسییه‌كه‌ی عێراق ئاڵوگۆڕكرد.
No comments:
Post a Comment