زەمینەسازی بۆ فیتنەنانەوە خزمەت بە بەرژەوەندییەکانی گەل ووڵات ناکات
نووسینگەی رێزدار مەسروور بارزانی سەرۆكی ئاژانسی پاراستنی ئاسایشی هەرێمی كوردستان لەبارەی هەواڵێكی بێ بنەمای هاوڵاتیەوە روونكردنەوەیەك بڵاو دەكاتەوە، ئەمەش دەقەكەیەتی
|  |
بە داخەوە کە دیسان رۆژنامەی هاووڵاتی دوور لە پرەنسیپەکانی رۆژنامەوانی، هەواڵێکی دیکەی بێبنەما و چەوت بڵاو دەکەنەوە و لەلاپەرە یەکەمی ژمارە 809ی رۆژی 2012/2/15ی رۆژنامەکەدا و لە ناوەرۆکی هەواڵێکیاندا ئاماژە بەوە ده‌کەن کە گوایە بە فەرمانی مەسرور بارزانی هێز رەوانەی پارێزگای سلێمانی کراوە. ئەم هەواڵە لە ساختەکارییەکانی رۆژنامەکەیە و وەک هەمیشەش زانیارییە دروستکراوەکانیان دەدەنە پاڵ سەرچاوەیەکی نادیار.
ئەو هەواڵەی رۆژنامەی ناوبراو دوورە لە راستی، بۆیە ئەم چەواشەکارییە ریسوا دەکەین و ڕایدەگەیەنین کە هیچ هێزێک جولەی پێنەکراوە و ئەرکی پاراستنی دامودەستگا فەرمیەکان و سەروماڵی هاووڵاتیانیش لە سلێمانی و گشت پارێزگاکاندا بەپێی تایبەتمەندی لە ئەستۆی دامودەستگا راسپێردراوەکانی حکومەتی هەرێمە.
هیوادارین ئەم هەوڵە چەواشەکاریانە زەمینەسازی بۆفیتنەنانەوە نەبێت و گشت لایەک بەرژەوەندییە گشتییەکانی وڵات ڕەچاو بکەن و ئاڵۆزی و نیگەرانی لە ناو جەماوەری خۆشەویستی کوردستاندا بڵاو نەکەنەوە.
نووسینگەی
مەسرور بارزانی 2012/2/15
|
|
| |
No comments:
Post a Comment