له دیدارێكدا ، گفتوگۆكرا ده‌رباره‌ى ئاستى پێشهاته سیاسى و مه‌سه‌له ناكۆكه‌كانى نێوان لایه‌نه سیاسییه‌كانى عیراق له‌گه‌ڵ ئه‌و هه‌وڵانه‌ى ده‌نرێ بۆ چاره‌سه‌ركردنى و دیدى ئه‌و لایه‌نانه سه‌باره‌ت به‌و ته‌نگژه‌یه‌ى كه دووچارى پرۆسه‌ى سیاسى عیراق بۆته‌وه، هه‌ر وه‌ك بیروڕا ئاڵوگوڕكرا له باره‌ى ره‌وشى ئه‌و ناوچانه‌ى كه ناكۆكیان له سه‌ره و له‌م رووه‌وه شاندى لیستى عیراقیه ته‌ئكیدیان له یه‌كگرتوویى لیسته‌كه‌یان كرده‌وه سه‌باره‌ت به‌و مه‌سه‌له عیراقیانه‌ى كه جێى ناكۆكین .
به‌رێز رافع عیساوى پشتیوانى لیسته‌كه‌ى بۆ هه‌ڵوێسته‌كانى سه‌رۆك بارزانى دووپاتكرده‌وه و رایگه‌یاند كه سه‌رۆك بارزانى نه‌ك ته‌نها سه‌ركرده‌ى دۆزى كورده به‌ڵكو سه‌ركرده‌یه‌كى دیارى عیراقیشه ، بۆیه لیستى عیراقیه پشتیوانییه‌كى ره‌ها له هه‌موو هه‌وڵه‌كانى ده‌كات له پێناو ده‌ربازبوون له‌و ته‌نگژه‌یه.
No comments:
Post a Comment