بارزانی بۆ ئاماده‌كاری گفتوگۆی لایەنەكان، تاڵەبانی رادەسپێرێت
سه‌رۆكی هه‌رێمی كوردستان، سه‌رۆك
كۆماری عێراقی سه‌رپشك كردووه، بۆ ئه‌نجامدانی دانوستان و گفتوگۆ
له‌گه‌ڵ لایه‌نه سیاسییه‌كاندا، به‌ئامانجی گه‌یشتن به‌ڕێكه‌وتنێك كه
جێگه‌ی ڕه‌زامه‌ندیی هه‌موو لایه‌ك بێت.
ڕۆژنامه‌ی سه‌باح له‌ژماره‌ی ئه‌مڕۆیدا
بڵاویكردووه‌ته‌وه، هه‌ریه‌ك له جه‌لال تاڵه‌بانی سه‌رۆك كۆماری عێراق
و مه‌سعود بارزانی سه‌رۆكی هه‌رێمی كوردستان، ڕێكه‌وتوون كه
تاڵه‌بانی وه‌ك نوێنه‌ری لایه‌نی كوردی دانوستان و دیالۆگ له‌گه‌ڵ
سه‌ركرده‌ی لایه‌نه سیاسییه‌كانی عێراقدا ئه‌نجامبدات، له‌پێناو
یه‌كلاییكردنه‌وه‌ی قه‌یرانی سیاسی ئێستای عێراق و ئاساییكردنه‌وه‌ی
ڕه‌وشی سیاسی.
No comments:
Post a Comment