له دیدارێكدا ، سه‌رۆكى رێكخراوى ئاشتى جیهانى له مه‌به‌ستى سه‌ردانه‌كه‌ى بۆ هه‌رێمى كوردستان دواو رایگه‌یاند كه رێكخراوه‌كه به نیازه كۆنفرانسى ئاینده‌ى له هه‌رێمى كوردستان ببه‌ستێ و ئه‌و سه‌ردانه‌شیان بۆ ئه‌وه‌یه كه له نزیكه‌وه ئاشناى ئه‌و ئاماده‌كارییه بن كه بۆ كۆنفرانسه‌كه كراوه و سه‌رسامى خۆیشى نیشاندا سه‌باره‌ت به پێكه‌وه ژیانى برایانه‌ى نێوان پێكهاته‌كانى هه‌رێمى كوردستان كه هه‌ر هه‌موویان بۆ به‌رقه‌راربوونى ئاشتى په‌یوه‌ندییه‌كى پته‌ویان له‌گه‌ڵ یه‌كتر هه‌یه و ئه‌مه‌یش یه‌كێكه له‌و ئامانجانه‌ى كه رێكخراوه‌كه بۆى تێده‌كۆشێ و هه‌روه‌ها ئه‌وه‌شى راگه‌یاند كه كوردستان بۆ ئاشتیه‌كى سه‌رتاسه‌رى هه‌وڵ ده‌دات كه ئه‌مه‌یش جێى رێزى رێكخراوه‌كه‌یه و به چاوێكى پڕبایه‌خه‌وه‌ش سه‌یرى ئه‌م رۆڵه‌ى ده‌كرێ ، هه‌رێمى كوردستان نموونه‌یه‌كى زۆر باشه بۆ بونیادنانى كۆمه‌ڵگه‌یه‌كى سه‌قامگیر و له ژێر سه‌ركردایه‌تى سه‌رۆك بارزانى_ش رۆڵێكى به‌رچاوى گێراوه له هێنانه‌دى ئاشتیه‌كى سه‌رتاسه‌رى له هه‌رێمى كوردستاندا ، بۆیه له ئاینده‌دا رێكخراوه‌كه ده‌توانێ پێكه‌وه له‌گه‌ڵ هه‌رێم كار بكات و كوردستانیش وه‌كو نموونه‌یه‌ك نیشانى جیهان بدات ، نه‌ك هه‌ر له عیراق به‌ڵكو له ناوچه‌كه‌شدا و بۆ ئه‌م مه‌به‌سته‌ش رێكخراوه‌كه به‌رنامه‌یه‌كى مه‌حكه‌مى هه‌یه و وه‌كو ده‌ستپێكیش نیازى وایه نووسینگه‌یه‌كى خۆى له هه‌رێمى كوردستان بكاته‌وه.
له به‌رامبه‌ردا ، سه‌رۆك بارزانى پشتیوانى خۆى بۆ هه‌نگاوه‌كانى كاركردنیان له هه‌رێمى كوردستان نیشان دا و ئه‌وه‌ى خسته‌ڕوو كه گه‌لى كوردستان له دێر زه‌مانه‌وه تا ئێستا هه‌وڵى هێنانه‌دى ئاشتیه‌كى سه‌رتاسه‌رى داوه و هه‌وڵه‌كانى دۆستانمان له هاریكاریكردنى میلله‌ته‌كه‌مان جێى رێزه جا له هه‌ر بوارێكدا بێت و به هه‌موو توانایه‌كیشمانه‌وه هه‌وڵ ده‌ده‌ین ئه‌و وه‌زعه‌ى كه ئه‌مرۆ له هه‌رێمى كوردستاندا هه‌یه به‌ره‌و پێشى ببه‌ین .
No comments:
Post a Comment